Vizêr keştîya multecîyan Dengizê Ege de cumê awe bibî û tede 4ê ci domanî 5 kesan dinyaya xo bedilnabî.

Vervatoxê Asayîşê Qeraxan ê Yunanîstanî Nikos Alexiouyî dîyar kerd ke keştîye de lajekê 8 serrî, kênayanê 14 serre û 8 serre û dergûşêkê 11 mengî dinyaya xo bedilnaya. Goreyê xebera Euronesî Alexiouyî da zanayene ke keştîye mîyanê dengizê Tirkîya de cumê awe bîya la Asayîşê Qeraxanê Tirkîya xîret nêkerd ke multecîyan bixelisno. Alexiouyî îdîa kerd ke dewrîyeya Yunanîstanî 18 multecîyî xelisnayê.

Ame parekerdene ke multecîyê birîndarî wedarîyayî nêweşxaneyî.