Partîya Çep a Keske û HDP pîya konferansanê prosesê neweyî ra verî kombîyayîşan kenê. Na çarçewe de qezaya Yenîşehîrî ya Amedî de Salona Veyveyî yê Kaplanî de kombîyayîşêk ame kerdene. Rêxistinê wird partîyan, Hemserekê HDPyî Cahît Kirkazak, wekîlî û temsîlkarê rêxistinan tewrê kombîyayîşî bîyî.

Hemserekê HDPyî yê Amedî Zeyyat Ceylanî Şakîr Turano ke Zîndanê Erzînganî de ameyo qetilkerdene û Mayê Haştîye yê ke qezayê tarfîkî de şîbî rehme yad kerdî.

Dima Hemserekê Pêroyî Kirkazakî qisey kerd û ard ziwan ke Peymana Lozanî 100 serrî xo pey de verdayî û vat: ''Ganî vera Peymana Lozanî ma peymanêka komelkîye virazê. Îradeyê şarê kurdî, HDP û Partîya Çep a Keske do bieşkê ney bikerê. Ma seba haştîye xerîtaya xo ya rayîrî amade kenê. Ma do qetî rexneyanê xo bidê û ver bi weçînayîşan şorê.

HDPyî tecrubeyê xo, rayîr û metodê xo û têkoşînê xo dewrê Partîya Çep a Keske kerdî. Ganî naye ra pey nîqaş bikerê ke senî haştîye bîyarê, peymana Lozanî senî awan bikerê. Nê nîqaşî do hêz bidê têgêrayîşê ma.''