Kombîyayîşê şarî yê Partîya Çep a Keske, HDP û DBPyî yê Wanî qedîyayî. Îdarekarê HDPyî yê Wanî Mesut Borî derheqê kombîyayîşan de ANFyî rê qisey kerd.

Borî da zanayene ke înan Wan de 50 kombîyayîşê şarî kerdê û vat: ''Prosesê newe ra awanbîyayîşî de şarê ma ma rê qala pêro kêmasîyanê ma kerde. Şarê ma bi xurtî tewrê kombîyayîşan bi. Ma goreyê rexne û pêşnîyazanê şarê ma do prosesê neweyî awan bikerê û şorê kongre. Şarê ma reyna mojna ke hetê parîya xo de yo û do tim paştî bido ci.''

Borî venga rêxistinanê demokratîkan û şarî da ke paştî bidê têkoşînî û vat: ''Blokê AKP-MHPyî yo faşîst tedayêka girane keno. AKP-MHPyî rojnameger, sîyasetmedarî kerdî hedef. Ma vera nê prosesê teda têkoşîn kenê. Blokê îqtîdarî wazeno ke prosesê antî-demokratîkî bidomîno. Tîya de alternatîfo yewin Partîya Çep a Kesk a. Verê ma de weçînayîşê herêmîyî est ê. Seba nê weçînayîşan ma wazenê ke rêxistinê demokratîkî û şarê ma bi xurtî ma hetî de bixebitê.''