KON-MEDî bi eşkerayîyêke vera îtîfaqê PDK û dewleta tirke nêrazîbîyayîşê xo mojna. 

KON-MEDî eşkerayîya xo de pare kerd ke têgêrayîşê azadîye yê kurdan 50 serrî yo bedelanê pîlan dano û çar parçeyanê Kurdîstanî de têkoşîn keno. 

KON-MEDî vat: ''Têkilîyê gemarinî yê PDK û dewleta tirke goreyê menfaetanê şarê kurdî nîya. PDK rixmo ke têgêrayîşê azadîye seba qedînayîşê na têkilîye veng dayo kerdişê xo rê dewam keno. PDK prosesêkê wina krîtîkî de xeta xayînîye de têgêreno û vera yewîya şarê kurdî dişmen de hemkarîye keno. Şarê kurdî qeti hesabê ney bipersê.

Tewr peyên zî mesuldaranê PDKyî ra Elî Ewnîyî bi eşkerayîyêka ecêbe xeta îxanetî bi hawayêkê eşkerayî mojnaye û xîret kerd ke hêrişê vera endamanê têgêrayîşê azadîye meşrû bikero. Ey eşkerayîya xo de paştî daye dewleta tirke ya îşxalkere û qirkere. Elî Ewnîyî waşt ke îdarekarê têgêrayîşê azadîye bi droneyanê çekdaran ê dewleta tirke bêrê hedefkerdene.

PDKyo ke yew eleqeyê ci yê bi dewaya Kurdîstanî û şarê kurdî çin o, sîyasetê dişmenî keno. PDK bi hawayêkê eşkerayî erjanê şarê kurdî roşeno. 

Eke mabênê hêzanê kurdan de alozîyêke vejîya PDK mesuldarê ney o. Ma sey KON-MEDî venga rayaumûmîya şarê kurdî danê ke polîtîkayanê PDKyî şermezar bikera. Wa şarê Başûrî hesabê nê polîtîkayan PDKyî ra biperso.''