KON-MEDî bi eşkerayîyêke vist vîrî ke 18ê teşrîna peyêne de Berlin de vera qedexeyê serê PKKyî rayraşîyayîşêko pîl do bêro kerdene û 17ê teşrîna peyêne de zî Erdogan do Berlin de hukmatê Scholzî zîyaret bikero.

KON-MEDî bale ante ser ke qestî ra seba zîyaretê Erdoganî no tarîx ameyo dîyarkerdene KON-MEDî pare kerd ke rejîmê Erdoganî vera kurdan sûcanê şerî keno, Îmrali de vera Rayberê Şarê Kurdî Abdullah Ocalanî tecrîdê giranî ano ca û her roje Kurdîstanî dano bombayan ver.

KON-MEDî îfade kerd ke pêvînayîşê Erdogan û Scholzî de derheqê plananê gemarinan ê vera kurdan de do birî bêrê girewtene. KON-MEDî venga hukmatê Almanya da ke wa têkilîya xo ya bi dewleta tirke bibirno û dawetê xo betal bikero.

KON-MEDî vat: ''Çimê ma û rayaumûmîya Almanya de Erdogan sûcdarê şerî yo. Ma venga pêro kurdîstanijan û dostanê înan danê ke 18ê teşrîna peyêne de bi xurtî tewrê rayraşîyayîşê vera qedexeyê PKKyî bibê, zîyaretê Erdoganî û dawetê hukmatê Almanya protesto bikerê.''