Meclîsê Partîye (MP) yê HDPyî vizêr bi rojdemê kongreya îstîsnayîye amebi pêser. Hemserekanê Pêroyîyan ê HDPyî Pervîne Buldan û Mîthat Sancarî serekîya kombîyayîşî kerd û tarîxê kongre eşkera kerd. 

Bire dîyaye ke Kongreya Îstîsnayî ya HDPyî 27ê tebaxe de, Merkezê Bazirganîye yê Dinya de do bêra kerdene. Seba viraştişê kongre zî Heyetê Îdareyî yo Merkezî (MYK) ame erkdarkerdene.

Partîya Çep a Keske û HDPyî kombîyayîşê MYKyî de bire dabî ke Partîya Çep a Keske êlule de kongreya xo bikera û nameyê xo bivurna.