Kongreya HDPyî ya Îstîsnayîye ya 4. Merkezê Bazirganîye yê Dinya yê Anqara de  ameye kerdene. Salona kongre de pankarta sey 'Ma hêvî kenê pîlêr' û 'Hêvî ma yê' ameyî akerdene.

Dîwanê kongre rê Emîralî Turkmen û Halîde Turkoglu ameyî vîjnayene. Kongre dîyarîya Mayanê Haştîye Adalet Safali, Perîşane Akçelîk û lejê ci  Cîhan Akçelîkî ameye kerdene. 

Rêzgirewtişî ra dima  Hemserekanê Pêroyîyan Pervîne Buldane û Mîthat Sancarî kongre de qisey kerd.

Destpêk de Pervîne Buldan qisey kerd û vat: ''Ma vera pêro operasyonanê tepiştişî, qeyûman, dewaya qefilnayîşî û hêrişan payan ser de yê. Têkoşînê ma her ca de yo. Ma tim hêvîye kerde pîlêr û qetî apey gamêke zî nêeşte. Înan vera ma Planê Çokdayîşî kerd la ma çok nêda erdî ro, înan çok da erdî ro. Ma hê prosesê giranî de yê. Meseleyê tecrîdê Îmraliyî, kurdan, edalet, cinîyan, talan, qeyûman û demokrasî pabeyê çareserîyanê ma yê. Ma soz danê ke vera tecrîdî têkoşînêkê qerardarî bikerê. Eqlê dewlete wa bizano ke pê tecrîdkerdişê Birêz Ocalanî şima do nêeşkê verê haştîye û çareserîye bigêrê. Tecrîdê vera Ocalanî tecrîdê vera demokrasî, haştîye, azadîye û ameyoxê welatî yo. Ma do qetî têkoşînê vera tecrîdî ra fek vera medê. Ma do vera rejîmê qeyûman, qirkerdişê xoza,  xizanîye, kedwerdişî ûsnî tim têkoşîn bikerê.

Ez venga pêro temsîlkar û terefanê kurdan danê ke wa yew bibê. HDP partîya cinîyan a. HDP do tim serkêşîya vurîyayîş û vurnayîşî bikera. Ma do her cayê dinya rê şîarê 'jin, jiyan, azadî' vila bikerê.  Ez sereberz a ke mi sey ferdêka HDPyî erkê xo kerdî. Ez sere de cinîyan her kesî rê sipas kena. Ez soz dana ke tim hetê embazan de biba. Her kesî rê serkewtiş wazena.'' 

Buldane ra dima Mîthat Sancar vejîya sehne ser, girse selam kerd û dest pê qiseykerdişê xo kerd.

Sancarî vat: ''HDP yew têgêrayîşê fikran o ke kokê ci binê tarîxî de yo. HDP merkezê hêvîyan o. Ma weçînayîşan de nêresayî hedefanê xo. Ma dima yew prosesê rexneyan da destpêkerdene û bira na kongre daye. Ma mecbur ê ke xo newe bikerê û xetêka têkoşînî ya zixmêre awan bikerê. Ma kêmasîyî zî xeletîyî zî kerdî. La ma hedefê xo yê neweyî dîyar kerdî. Ma do na kongre ra dima hîna zaf wayîrê dara HDPyî vejîyê. Ma do bibê pîlêr û aver şorê. Na kongre de ma hêzê xo Partîya Çep a Keske de yew binê. La fikrê HDPyî do tim mîyanê ci de biciwîyê.  Ma do qetî dadîyan rê haştîye bîyarê û demokrasî û têdûştîye awan bikerê.   

2015 ra nata ez mîyanê HDPyî de sîyaset kena. Mi kerd ke pêro erk û mesuldarîyanê xo bîyara ca. Naye ra pey ma erkanê xo do bidê embazanê bînan la ma tim bi mesuldarî mîyanê têkoşînî de cabigêrê. Ma do qetî teslîm nêbê û heta peynî têkoşîn bikerê.''

Konge de namzedanê Hemserekîya Pêroyî ya HDPyî Sultane Ozcan û Cahit Kirkazak zî qisey kerd.

Sultane Ozcan seba hemserekîye keyfweşîya xo ard ziwan û vat: ''HDP yo fîkîr o û no fîkîr gan dano cuyeya komelkîye, heme astengîyan wedareno û xo rê rayîranê neweyan akeno. HDP do rayîrê xo yê neweyî de pa Partîya Çep a Keske têkoşînê xo rayra bero û heme barîkatan birijno.''

Cahit Kirkazakî wina vat: ''Gama ke ma HDPyî de dest pê têkoşînî kerd ma soz da yewbînan, şarê Kurdîstanî, şaranê Tirkîya û tarîxî. Sozê ma o bi ke ma waştişê dayîkanê haştîye yê ke rayîrê haştîye de ganê xo danê, bîyarê ca. No sozê ma hema vîyartbar o. Ma do miheqeq nê têkoşînî biresnê serkewtişî. Ma do pîya bi şarê xo têkoşînî xurtêr bikerê. Êyê ke hêrişê xeta ma ya azade û  cuye newîye kenê wa bizanê ke şima do ser mekewê.''

Kongre de Sultane Ozcan û Cahit Kirkazak sey Hemserekanê Pêroyî yê HDPyî ameyî vîjnayene.

Listeya endamanê Meclîsê Partîye û organanê bînan ê ke kongre de ameyî vîjnayene wina yê:

Endamê Esilî yê Merkezê Partîye: Adem Demîragaç, Ahmet Yaşaroglu, Aydin Çetînkaya, Ayfere Demîrel, Ayşe Yilmaz, Besra Aslan, Cevdet Bakin, Fatma Yilmaz, Gulîstane Ataş, Gulsum Agaoglu, Gultekîn Koçdemîr, Gultene Akdag, Gulîstane Onver, Hatîce Akdag, Husnu Kuran, Îsmet Kaya, Kahraman Oguz, Kamîle Koç, Kayhan Yuksel, Kiymete Temel, Kiznaze Turkelî, Mahmût Çavli, Mahmut Emîn Avci, Mehmet Yalçin, Mehmet Zarîf Kesîcîler, Mustafa Erbek, Muge Yamanyilmaz Koşar, Nurettîn Sonmez, Peruze Demîr, Resûl Sadak, Saît Biçakci, Salih Mevalî, Sevgul Yalçin, Songul Kose, Şengul Aci, Turkan Konukcu, Ubeydûllah Ozmen, Ufuk Ozel û Zehra Vezan Karabulut.

Endamê Cagirî  yê Merkezê Partîye: Nilûfer Yeşîltepe, Aydin Kaya, Cahît Dogan, Melek Yerkan, Zekiye Ozkan, Şenel Ozturk, Îmam Ozçelik, Çetîn Çîftçî, Hazîme Denîz, Mehmet Aga Benlî, Guher Urkun, Îsmaîl Agan, Selamî Ozyaşar, Saît Kiliç û Zabit Vurdu.

Endamê Heyetê Dîsîplînî: Adalet Aydin Sozkesen, Ayhan Akgul, Berfîn Kaya, Bîlal Algunerhan, Celal Soguk, Şevkiye Muge Caner û Yuksel Yildirim.

Endamê  Cagirî yê Heyetê Dîsîplînî: Cemal Camekan, Şevket Acar.

Endamê Esilî yê Heyetê Werêardişî: Ayşe Etiz, Emine Ecer, Numan Hasanoglu.

Endamê Cagirî yê Heyetê Werêardişî: Bayram Çaglar, Ozan Eye.