Meclîsê Ciwanan ê DEM Partî bi şîarê ''Vejînek Ciwan'' Kongreya Asayîşî ya 1ine Amed de keno. Bi hezaran ciwanî bi sloganê “Bê Serok jiyan nabe”, “Bijî Serok Apo” tewrê kongre bîyî.

Ciwanan kongre de grevê vêşanîye yê tepişteyan selam kerd û bale ante tecrîdê vera Rayberê Şarê Kurdî Abdullah Ocalanî ser.

Hemsereko Pêroyî Tunçer Bakirhan û wekîlê DEM Partî zî tewrê kongre bîyî.

Kongre de Wekîla DEM Partî ya Mêrdînî Bêrîtane Guneş qisey kerd û ard ziwan ke ê do seba ke waştişanê tepişteyanê grevê vêşanîye bîyarê ca bixebitê û vat: ''Ma çok nêşîyî erdî ro, sereyê xo nêard war. Ma do tîya ra cewab bidê wayîranê polîtîkayanê şerê taybetî.''

Endama Meclîsê Ciwanan Seneme Erîş vat: ''Ma dadîyanê Nobeta Edaletî, ciwananê xoverdayoxan û cinîyan selam kenê. Ma Rayberê Şarê Kurdî selam kenê. Ma rixmê pêro polîtîkayanê şerê taybetî tîya de yê. Ewro rejîmê AKP-MHPyî yê faşîstî her wextî ra zêdeyêr tecrîdî ferz keno. Çunke ê hêzê Rayber Apoyî ra tersenê. Ma do bi bawerî û îradeyê ciwanan tecrîdê Îmraliyî bişiknê û faşîzmî bin bivisnê.''

Endamê Meclîsê Ciwanan Mehmet Halîs Saykanî pare kerd ke rolê ciwanan o verên şiknayîşê tecrîdî yo û vat: ''Enerjî û dînamîzmê ma eşkenê heqê her zorîye ra bêrê. Seba ke ma rêxistinkerde yê bihêz ê. Oyo ke keweno bara ma serkewtiş o.''