Koordînasyonê Çimdarîya Grevê Vêşanîye derheqê grevê vêşanîye yê tepişteyan de bînaya merkezî ya ÎHDyî de kombîyayîşê çapemenîye kerd. Endam û Îdarekarê ÎHD, OHD û MED TUHAD FEDî tewrê kombîyayîşî bîyî.

Avûkate û Endama OHDyî Çîgdeme Kozan pare kerd ke asayîş, weşî û rûmetê tepişteyan binê mesuldarîya dewlete de yê. Kozane bale ante ser ke tecrîdê vera Rayberê Şarê Kurdî Abdullah Ocalanî dûştê pêro qanûnanê neteweyî û mîyanneteweyîyan o. Kozane vat: ''Verî ke grevê vêşanîye bireso astêka tehlukeyîne û tepişteyî bimirê ganî sere de Wezîrîya Edaletî pêro dezgehê selahîyetdarî têbigêrê.

Seba ke grevê vêşanîye biqedo destê ma ra çi yeno ma kenê. La seba ke tecrubeyê grevê vêşanîye yê verênî ancî xo nêmojnê ganî cade waştişê tepişteyan bêrê caardene.''

Kozane venga rêxistinanê neteweyî û mîyanneteweyîyan da ke derheqê babete de cade têbigêrê.