Brîtanya de 4 rojanê verênan de 35 hezar kesan raye daye. Koordînasyonê Weçînayîşî yê Brîtanya pare kerd ke mîqtarê raydayîşî kêm o û venga her kesî da ke seba rijnayîşê faşîzmî wa raya xo bido.
Brîtanya de seba weçînayîşê Tirkîya yê 14ê gulane raydayîş 7ê gulane de do biqedo. Brîtanya de 4 rojanê verênan de 35 hezar kesan raye daye. Brîtanya de 127 hezar û 281 weçînitoxî est ê.
Koordînasyonê Weçînayîşî yê Brîtanya yê Partîya Çep a Keske bi rayîrê ajansê ma venga weçînitoxanê Brîtanya da ke heta 7ê gulane raya xo bidê.
Komeleya Kulturî ya Karkeranê Koçberan (GÎK-DER) ra Îbrahîm Avcilî raydayîş erk û mesuldarîya pêro weçînitoxan o û vat: ''Seba rijbayîşê tejîmê tekcamêrdî û faşîzmî ganî weçînitoxî heta 7ê gulane şorê sindoqan ser û raya xo bidê. Ma wazenê ke şarê ma dormeyê Partîya Çep a Keske de kom bibo û raya xo bido.''
Vervatoxê Merkezê Komelê Kurdan û Tirkan (DAY-MER) Feyzullah Cînpolatî vat: ''Êyê ke raya xo nêşinê nêdanê wa hînî sîstemê faşîstî ra lome nêkerê. Weçînayîşî seba ma firsendê tarîxî yê. Ma eşkenê rojêke mabên bidê her çî û şorê seba azadîye û aramîye raya xo bidê.''
Zerrîwaza Îtîfaqê Kede û Azadîye û hunermende Hazale Demîrel vat: ''Ma tîya de pabeyê şarê xo yê. Ma xîret kenê ke asayîşê sindoqan zî bîyarê ca. Ganî ma qetî raya xo bidê. Raya ma her çîyê ma yo.''
