Koordînasyonê Weçînayîşî yê Ewropa yê Partîya Çep a Keske pare kerd ke îqtîdarê AKP-MHPyî yo ke welat û teberê welatî de muracatê provokasyon û hêrişan keno, do weçînayîşan de bin bikewo.
Koordînasyonê Weçînayîşî yê Ewropa yê Partîya Çep a Keske eşkerayîyêka nuştekîye daye û da zanayene ke seba weçînayîşê Tirkîya yê 14ê gulane 73 welatan de seba 3.416.098 weçînitoxan 4.671 sindoqî ronîyayê. Koordînasyon pare kerd ke pêro sindoqan de muşahîdê înan amade bîyê.
Koordînasyonî vat: ''Îtîfaqê AKP-MHPyî yê faşîstî rixmê xîretanê xo serê sindoqan de hegemonyaya xo awan bikero. Îtîfaqê faşîstî fam kerdo ke bin bikewo coka waşt ke welat û teberê welatî de provakasyonan bikero.
7ê gulane de merkezê weçînayîşî yê Amsterdamî yê Hollanda de hêriş ame kerdene.Heman roje Erzirom de hêrişê Ekrem Îmamogluyî û Tarsusê Mersînî de zî hêrişê wesayîtê Partîya Çep a Keske û Îstanbul de zî hêrişê standê cinîyanê Partîya Çep a Keske ame kerdene.
Hêrişê Amsterdamî hetê cerganê Ocaxanê Osmanîyan ra ame kerdene ke pabesteyê rejîmê Erdoganî û bi destê Wekîlê AKPyî Metîn Kulunkî ronîyayê. Nê cergan verê cû zî Marsilya, Strasbourg û Bremen de hêrişî kerdbî. Nê hêrişî girêdayeyê îtîfaqê AKP-MHPyî yê.
Ma dîyar kenê ke faşîzm do bin bikewo û şar do ser bikewo.''
