Wezîre Weşîye yê Tirkîya Fahrettin Kocayî hesabê xo yê Twîtterî ra da zanayene ke 24 saetanê peyênan de 277 kesê bînî pê vîrusê Korona kewtî û hûmara merdeyan zî bîyî 21.

Kocayî vat: '' 24 saetanê peyênan de 2 hezar û 953 şikdaranê bînan rê testê vîrusî ame kerdene û înan ra testê 277 kesan pozîtîf vejîyayî. Hûmara nêweşan bîye 947 û hûmara merdeyan zî bîye 21. 12 nêweşê ma yê ke extîyar bî cuya xo vînî kerde. Ma extîyarênê xo hîşyar bikerê ke wa mevejê teber. Rîskê meregî goreyê serranê berzan zêdîyeno.''