Viyana, Basel û Hamburg de hêrişê dewleta tirke yê vera Rojawanî ameyî protestokerdene.

Paytextê Avusturya Viyana de vengdayîşê KCDK-E ser o bi sloganê ''Kiştox Erdogan'' çalakîya protestoyî ameye kerdene. Çalakîye de ame parekerdene ke dewleta tirke bi hêrişanê vera Rojawanî sûcanê şerî kena. Çalakîye de No Fly Zone 4 Rojava  (Warê hewayî yê Rojawanî qedexe bikerê) û Defend Kurdistan (Kurdîstanî Bipawê) ameyî akerdene.

Şaristanê Hamburgî yê Almanya de aktîvîstanê TCŞ û TÊKO-JIN vera hêrişanê dewleta tirke ya îşxalkere çalakîya rayraşîyayîşî kerde. Ciwanan çalakîya xo de pare kerd ke dewleta tirke kena ke qesasê binkewtişê xo yê vera gerîlayan bigêra. Çalakîye de sloganê sey "Bijî Serok Apo", "Bijî Berxwedana Rojava", "Jin, Jiyan, Azadî" ameyî vatene.

Şaristanê Baselî yê Swîsre de ciwananê kurdîstanijan û enternasyonalîstan bi rayraşîyayîşêkî hêrişê dewleta tirke ya îşxalkere protesto kerdî. Çalakîye de venga pêro şorişgêran û demokratan dîya ke verê hêrişanê dewleta tirke de wurzê we.