Laçîn û Bekir 30 serran ra dima zîndanî ra vejîyayî
Lokman Laçîn û Kamuran Reşît Bekîro rojawanij 30 serran ra dima zîndanî ra vejîyayî.
Lokman Laçîn û Kamuran Reşît Bekîro rojawanij vizêr 30 serran ra dima zîndanî ra vejîyayî.
Verê Zîndanê Boluyî de keyeyanê tepişteyan û îdarekaran û Hemserekê MATUHAY-DERî Mehmet Şafî Erolî Laçîn û Bekîr pêşwazî kerdî.
Kamûran Reşît Bekîr dima ke zîndanî ra vejîya ame berdene bi Nêweşxaneyê Dewlete yê Îzzet Baysalî û dima zî seba ke bierşawîyo Rojawanî ame berdene bi Mudirîya Apeyerşawitişî ya Polîsan a Boluyî.
Lokman Laçîno ke 25ê êlula 1993yî de Mêrdîn de amebi tepiştene 'xerakerdişê yewî û yewparetîya dewlete' ra cezaya zîndanî ya 30 serran dîyabi ci.
