Dewa Hespistî ya qezaya Hezexî ya Şirnexî de vizêr saetanê nîmroje ra nata binê ablûqaya artêşa tirke de ya.

Dekewtiş û vejîyayîşê dewe hetê leşkeran ra yeno astengkerdene. Dewijê ke nêeşkayî bikewê dewa xo deketişê dewe de wesayîtan de pawit. Tay keyeyî ameyî sereştene û cigêrayene. Ablûqaya  dewe heta saetanê şanî dewam kerd. Dima ra leşkerê ke dewe ra vejîyayî dormeyê dewe de ca da xo.

Reyna saetanê şewe de vengê tifingan ame û leşkerî reyna kewtî dewe. Leşkerê ke şewe dêr û serê banan de vindertî saetanê serê sibayî de reyna agêrayî teberê dewe.

Hetê bînî ra taxa Atakentî ya Hezexî de ewro saetanê serê sibayî de sereştişê keyean de Nusrettin Kaya ame destbendkerdene.