Riha de karkerê Ozak Tekstîlî vera karî ra eştiş, teda û tehdîdan 5 rojî yo verê bînaya kargehî de çalakîye kenê. Leşkeranê tirkan waştişê partonan ser o verê çalakîya karkeranê Ozak Tekstîlî de barîkatî nayî ro.

Serekê Sendîkaya Yewîya Tekstîlî û Karkeranê Çermî (Bîrtek-Sen) Mehmet Turkmen, Wekîlê HEDEPî Ferît Şenyaşarî û Wekîla EMEPî Sevda Karaca zî paştî daye çalakîye.

Mehmet Turkmenî vera leşkeran nêrazîbîyayîşê xo mojna û vat: ''Tîya de her kes binê emrê patronê Ozakî de yo? Şima paştî danê ê patronan ke karkeran rê zulm kerdo.''

Çalakîya karkeran rixmê astengkerdişê leşkeran zî dewam kena.