Dewleta tirke ya îşxalkere û îxanetê PDKyî şaristananê Luzern û Lozanî de  bi çalakîyan ameyî protestokerdene. Çalakîyan de venga  her kesî dîya ke vera îşxal û îxanetî wurzo payan ser.

Luzern de vengdayîşê CDK-Luzernî ser o çalakîyêke ameye kerdene. Çalakîye de Hemserekê CDK-Luzernî Mulla Şahînî vat: ''Se beno wa bibı ma do ser bikewê.'' Çalakîye bi slogananê sey “Bijî berxwedana gerîla”, “Bimre xiyanet” û “Bijî Serok Apo” qedîyaye.

Kurdîstanijanê ke çalakîye de qisey kerd veng da keyeyê Barzanî ke wa nê îxanetî caverdo û vateyê kurdan ê “Dijminê bavan nabe dostê lawan” vist vîrî.

Lozan de kurdîstanijan meydan de çalakîyêke kerde. Çalakîye de nameyê YJK-Syî ser o Hatîce Kendal îfade kerd ke ê do tim hetê gerîlayan de bibê. Nameyê CDK-Lozanî ser o Ramazan Obayî eşkerayîye wende û ard ziwan ke dewleta tirke xîret kena ke herême veng bikera.