Namzeta Wanî ya Partîya Çep a Keske Gulderene Varli ANFyî rê qisey kerd û armancê xo yê wekîlîye ardî ziwan.

Varliye 2014 de bibî Hemşaredara qezaya Erdişî la dima herinda ci de qeyûm amebi tayînkerdene.

Gulderene Varli pare kerd ke Gelîya Zîlane de têkoşînê azadîye tim est bîyo la şîdetê dewlete û camêrdan zî qetî nêkêmîyayo. Varliye vat: ''Coka mi verê xo da xebatanê rêxistinkerdişê cinîyan. Dima heta ke qeyûm ame wextê hemşaredarîya xo de ma seba cinîyan xebatê qîmetînî kerdî. Ma Wan de xebatê yewîya neteweyîye û ziwanê dayîke meydanan de kerdî. Ma bi têkoşînê xo kenê ke bi kultur, hişmendî û tecrubeyanê welatperwerîye cinîyê kurdî û şarê kurdî bi nasnameyê xo cuyêka azade awan bikerê. Ez do bikera ke polîtîkayanê qirkerdişê cinîyan pûç bikera. Ez do bikera ke kurdî bieşkê bi nasnameyê xo mîyanê cuye de xo rêxistin bikerê.''