Namzetê Hatayî yê Partîya Çep a Keske Kerem Nalbanto ke elewîyo ereb ê Samandagî yo, hemserekê HDPyî ya şaristanî bibi. Nalbantî derheqê weçînayîşan de ajansê ma rê ercnayîşî  kerdî. 

Nalbantî vist vîrî ke erdlerzê Mereşî yê 6ê sibate de o zî tede xeylêk kesî mexdûr bîyê û vat: ''Hatay erd de bi yew. La felaketo esas no îqtîdar bi xo yo. Mesuldarê nê rijîyayîşî zî îqtîdar o. La ma do qetî erdê xo meteriknê. Ma do qederê nê şaristanî çewî rê nêverdê. Ma do hesabê nê kerdişan zî bipersê. Erdlerzî ra di mengî û nême derbaz bîyê la merdimê ma hema zî bê awe, nan û xeyme yê. Seba ke awanîya çewte rê destûr dîya no felaket qewimîya. Polîtîkayê rant û pereyî yê îqtîdarî bîyê sebebê nê felaketî. Şarê Hatayî zaf reyî erdlerz dî la qetî erdê xo nêterikna. Merdimê ma tim hêvîdar ê.

Weçînitoxê ke teberê şaristanî de yê la wazenê Hatay de raya xo bidê, ma do seba înan îmkanê şîyayîş û ameyîşî bidê.  Ma do weçînayîşan de nê îqtîdarî bin bivisnê. Ma do şaristanê xo zî bi polîtîkayan newe ra awan bikerê.''