Namzetanê Amedî yê Partîya Çep a Keske Sevîlaye Çelenk û Halîde Turkoglu xebatê weçînayîşî ANFyî rê ercnayî.

Çelenke pare kerd ke xebatî bi coşî û rindî dewam kenê û vat: ''Heta şewan ma buroyanê weçînayîşî akenê. Rêxistinîyê şaristanan xebitîyenê, kombîyayîşî organîze benê. Şarê ma zaf eleqe mojneno nînan. Her kes sey zerrîwazî tewrê xebatan beno. Her kes eynî çi vano: nê weçînayîşî qeder ê, krîtîk ê. Heqê kurdan hende ameyê xespkerdene ke kurdî do sindoqan de hesabê nê kerdişan bipersê. Ma do nê weçînayîşan de ser bikewê û cuye newe ra awan bikerê.''

Halîde Turkoglu zî îfade kerd ke hêvî, pawitiş û cesaretê şarî zaf ê û vat: ''Akerdişê buroyanê ma pê govendan, tîlîlîyan û coşî dewam kenê. Esnafî wayîrê hêvîyêka pîle yê û vanê 'hînî bes o.' Esnafî wazenê ke ma rejîmê tekcamêrdî bişawê. Ma zî kenê bi bi rêxistinîyêka xurtêre rejîmê tekcamêrdî bişawê. Ciwanî cuyêka hîna rehe wazenê. Cinîyî têdûştîye wazenê. Ma cinî, ciwan, kedkar, dewij û esnafan reyde şinê. Moralê înan do ma ser bivisno. Tay mendo ke elewî, kurdî, ciwanî, cinîyî û ê bînî cuyêka newîye bivisnê destî.''