Malayanê kurdîstanijan venga pêro weçînitoxan da ke 14ê gulane de raya xo bidê Partîya Çep a Keske.

Mala Îsa Turanî vat: ''Welatê ma, erjê ma ameyî îşxalkerdene. Tedai zulm û înkarê şarê kurdî yenê kerdene. Weçînayîşan de ganî ma bi ruhê neteweyî raya xo bidê Partîya Çep a Keske.''

Mala Muhterem Yildirimî vat: ''Rayê ma rûmetê ma yê. Ez venga şêx û malayanê Kurdîstanî dana ke xêrê nê komelî ra şima bîyê wayîrê mal û mulkî û qîmetî. Hînî abigêrê rayîrê şarê xo ser û serkêşîya şarê xo bikerê.''

Mala Hecî Kadahî vat: ''Her roje şarê ma rê zulm yeno kerdene, merdimî tepişîyenê. Seba ke ma naye ra bixelisê ganî raya xo bidê Partîya Çep a Keske. Partîya Çep a Keske seba heqanê kurdan têkoşîn kena.''

Serekê Pêroyî yê Partîya Azadîye Ayetullah Aşitîyî vat: ''Seba ke nasnameyê kurdan Meclîs de bi xurtî bêra temsîlkerdene ma raya xo bidê namzedanê Partîya Çep a Keske.''

Mala Yusuf Yildizî vat: ''Dewê ma ameyî vêşnayene, merdimê ma surgun bîyî û tepişîyayî. Wayîrvejîyayîşê ziwan, nasname, kesayet û şerefê xo erkê her misilmanî yo. Coka ma 14ê gulane de raye bidê Partîya Çep a Keske.''

Mala Zahîr Aktaşî vat: ''14ê gulane de ganî tercîhê ma hetê mazlûm û mexdûran bibo. Homa vano 'Zaliman rê hetkarîye mekerê, adiro ke zaliman vêşneno do şima zî bivêşno.' Coka ma 14ê gulane de raya xo bidê Partîya Çep a Keske.''

Mala Mehmûd Beyazkayayî vat: ''Ma mazlûman û şarê xo reyde yê. Coka ma raya xo danê Partîya Çep a Keske.''

Mala Kasim Ulusoyî vat: ''Şarê ma yo dîndar û seydayê ma yê ercîyayeyî ganî weçînayîşan de yew bibê û pê bazirgananê dînî mexapîyê. Ma raya xo bidê partîya xo.''

Mala Şevket Çakirî vat: ''Yew reye zî eşkena her çî bivurna. 100 serrî yo ziwan, nasname û kulturê ma yenê înkardene. Seba ke no zulm biqedo ma raya xo bidê Partîya Çep a Keske.''

Mala Raûfî Baranî vat: ''Na dîktatorîye 20 serran o domananê kurdan kişena, erdê kurdan îşxal kena. Vera na dîktatorîye ma raya xo bidê Partîya Çep a Keske.''

Mala Şukru Arslanî vat: ''AKP 20 serrî yo zulmî keno. Ma ya dewamê nê zulmî biwazê yan zî heqanê xo bişuxilnê. Wa her kes paştî bido Partîya Çep a Keske.''

Mala Ahmed Sadîogluyî vat: ''AKP nameyê dînî ser o gonîye rijneno, fitne û fesadî vila keno. 14ê gulane de seba rijnayîşê AKPyî ma ganî raya xo bidê Partîya Çep a Keske.''

Mala Şafîî Balîyî vat: ''Nê weçînayîşî zaf girîng ê. Ma do raya xo raşt bişuxilnê. Seba ziwan, rûmet û kulturê xo, seba pêro erjanê xo ma raya xo bidê Partîya Çep a Keske.''