Seba azadîya Rayberê Şarê Kurdî Abdullah Ocalanî Rayraşîyayîşo Derg ê 25 rojan Parisî ra ver bi Strasbourgî dewam keno.

 Mayanê Haştîye Rayraşîyayîşo Derg ê seba azadîya Rayberê Şarê Kurdî Abdullah Ocalanî selam kerd û bi mesajanê xo paştî daye çalakîkeran.

Mayanê Haştîye mesajê xo de wina vat:

''Ma nê rayraşîyayîşî fîraz kenê. Ma do heta destê ma ra bêro peyê na çalakîye de yê.''

''Ma sey dadîyan ganî wurzê payan ser. Gani no rayraşîyayîş bireso hedefê xo. Çi doman çi kokim ganî pêro kesî tewrê nê rayraşîyayîşî bibê. Ma do rayîrê Rayberîye ra fek vera nêdê.''

''No rayraşîyayîş seba ma rayraşîyayîşê estbîyayîşî yo. Ma merg û îşkenceyan ra nêtersenê. Çunke ma ê rayîrî dîyî. Ma teyna tersenê ke zîndanan ra cenazayan do vejîyê. Wa dadîyê polîs û leşkeran zî hînî nê şerê gemarînî rê vajê ney. Ma hêvî kenê ke Rayraşîyayîşo Derg do ser bikewo.''

''Ma tim û tim vanê haştîye. Wa hînî dadîyê kurdî mebermê. Teyna domanê ma ney, hetê înan de ma zî mirenê. Wa hînî mabênê kurdan û tirkan de haştîye virazîya.''