Mayê/Merdimê  Şemeyî hewteyê 956. yê çalakîya xo de hêna waşt  semedê persayîşê aqibetê merdimanê xo yê ke bi destê dewlete ameyî vînîkerdene û muhakemekerdişê qetilkaran, Meydanê Galatasarayî de eşkerayîye bidê. 

No hewte xeylêk serekê baroyan, sîyasetmedarî û xeylêk kesî tewrê çalakîye bîyî.  Çalakwananê vilîkî girewtî destê xo , verê Baroyê Îstanbulî de ameyî têhet ke ver bi Meydanê Galatasarayî rayra şirê, hetê polîsan ra gerîyayî binê ablûqa. Çalakwanan bi nîşanê serkewtişî nêrazîbîyayîş mojna.

Polîsan keedkarê çapemenî warî ra fînayî dûrî û rojnamegere Fatoş Erdogan derb kerd û erdî ra kaş kerd û xeylêk kesî destbend kerdî.

Çalakîye de nê kesî ameyî destbendkerdene: "Sevile Turgut, Asli Saraç, Hanife Yildiz, Mikail Kirbayır, İkbal Eren, İrfan Bilgin, Ali Ocak, Meryeme Bars, Hasan Karakoç, Ali Tosun, Maside Ocak, Besna Tosun, Eren Keskin, Gulseren Yoleri, Leman Yurtsever, İsmail Yucel, Nazim Dikbaş, Ozge Efe Bakirci, Meryeme Goktepe, Hatice Onaran, Huseyin Aygul, Hunkar Yurtsever, Salim Derelioğlu û Umit Efe"

Mayanê/Merdimanê  Şemeyî hesabê xo yê twîtterî de vat: Huqûq çîn o, Qanûnê Bingehî çîn o, azadîya kombîyayîşî çîn . Şîdet est o, destbendkerdiş est o, kelemçe est o.