Mayanê/Merdimanê  Şemeyî hewteyê 958. yê çalakîya xo de hêna semedê persayîşê aqibetê merdimanê xo yê ke bi destê dewlete ameyî vînîkerdene û muhakemekerdişê qetilkaran, Meydanê Galatasarayî de çalakîye kerde.

Hemserekê Pêroyî yê HDPyî Pervîne Buldan û Mîthat Sancar, Hemserekê Pêroyî yê DBPyî Keskîn Bayindir, wekîlê Partîya Çep a Keske Sirri Sureyya Onder, Meral Daniş Beştaş zî paştî daye çalakîye.

Mayê Şemeyî hela ke ver bi Meydanê Galatasarayî rayra şiyî Kuçeyê Îstîklalî de biderbkerdişî gerîyayî binê ablûqa. Mayan ablûqa bi nîşanê serkewtişî protesto kerd. Mayî dima ra bi kelemçekerdişî ameyî destbendkerdene.

Badê destbendkerdişê Mayanê Şemeyî pawitoxanê heqanê merdiman Şubeyê ÎHDyî yê Îstanbulî de kombîyayîşê çapemenîye kerd. Eşkerayîye de vera hêrişê serê mayan nêrazîbîyayîş ame mojnayene û ame vatene ke rixmê heme zextan, semedê hesabpersayîşî têkoşîn do bêro domnayene.

Reyna Wan, Riha û xeylêk bajaranê bînan  de bi çalakîyan hêrişê vera Mayanê Şemeyî ame protestokerdene.