Mayê Şemeyî semedê persayîşê aqibetê merdimanê xo yê ke bi destê dewleta ameyî vînîkerdene û kiştoxê ke eşkera yê wa bêrê cezakerdene, hewteyê 978. de Meydanê Galatasarayî de ameyî têhet. Hemseraka Pêroyî ya ÎHDyî Erene Keskîn, sîyasetmedarî û xeylêk pawitoxê heqan tewrê çalakîye bîyî.

Çalakîya nê hewteyî de aqibetê Îsmaîl Bahçeci ame persayene. Birayê Bahçecî, Umut Bahçecî vat polîsan birayê ci îşkencexane de qetilkerd. Badê eşkerayîye û qiseykerdişan merdimanê vînîbîyayeyan waştişê edaletî reyna ard ziwan û Meydanê Galatasarayî de vilîkî nayî ro.