Mayê/Merdimê  Şemeyî no hewte zî semedê persayîşê aqibetê merdimanê xo yê ke bi destê dewlete ameyî vînîkerdene û muhakemekerdişê qetilkaran, Meydanê Galatasarayî ameye têhet û çalakîya 960. kerde.

20 hewte yo ke rîyê qerarê qedexeyî yê Qeymaqemîya Beyogluyî ra destûr nêdîyeno ke mayî debikewê Meydanê Galatasarayî la rixmê heme astengîyan mayî çalakîya xo domnenê.

No hewte pîya bi pawitoxanê heqan Hemvervatoxê HDKyî Cengîz Çîçek zî paştî daye çalakîya mayan. Mayê/Merdimê Şemeyî û pawitoxê heqan ver bi meydanî rayra şîyî. Polîsan verê înan girewt û girewtî binê ablûqa. Polîsan 21 kesî pê kelemçeyanê peykîyan destbend kerdî. Kesanê vera polîsan nêrazîbîyîş mojna û xover da raştê heqeratê polîsan ameyî.