Mayanê  Şemeyî no hewte zî  semedê persayîşê aqibetê merdimanê xo yê ke bi destê dewlete ameyî vînîkerdene û muhakemekerdişê qetilkaran, waşt Meydanê Galatasarayî de eşkerayîye bidê.

Çalakîya 962. ya mayan de  polîsan reyna verê mayan girewt û mayan ra Hanife Yildiz, Hemserekê Şubeyê îHDyî yê Îstanbulî Gulserene Yoleri û endamê Komîsyonê Zîndananê ÎHDyî zî tede xeylêk kesî destbend kerdî.

Hetê bînî ra rixmê astengkerdişê polîsan Merdimanê Şemeyî ra Besna Tosun, Masîde Ocak pîya bi kesêkê bînî bi karanfîlan xo resna Meydanê Galatasarayî. Besna Tosun vat ê do cigêrayîşê seba vînîkerdeyanê xo û waştişê edaletî rê dewam bikerê. Maside Ocak zî vat ê wazenê nê meydanî ra dej, hêrs û waştişanê xo bidê eşnawitene. Polîsan dima ra hêrişê nê hîrê kesan zî kerd û ê destbend kerdî. Rojnamegeranê ke waşt dîmenanê biancê hetê polîsan ra bi derbkerdişî ameyî dûrîfînayene. Derûdorî şarî vera hêrişê polîsan nêrazîbîyayîş mojna.