Înîsîyatîfê Mayanê Haştîye û Têgêrayîşê Cinîyan ê Azadan seba wefatê Mayanê Haştîye Adalete Paşali û Perîşane Akçelîk û Cîhan Akçelîkî qezaya Fatîhî ya Îstanbulî de bînaya xo de şîn na ro. 

Zîyaretanê serweşîye ra dima Mayanê Haştîye verê bînaya xo de eşkerayîyêke daye. Wekîla Partîya Çep a Keske ya Îstanbulî Çîçeke Otlu zî tewra eşkerayîye bîye. Polîsan verê bîna de cade dormeyê mayan girewt û gefî wendî. 

Nameyê Înîsîyatîfê Mayanê Haştîye ser o Gulere Bugday eşkerayîye wende û pare kerd ke Mayê Haştîye bi serran o seba dejan ancenê. Bugdaye vat: ''Ma teyna seba kurdan ney seba pêro kesan edalet û haştîye wazenê. Eke haştîye bêra hêsirê dadîyan do nêrê war. Ma do seba haştîye têkoşînî rê dewam bikerê.''