Emîne Şenyaşara ke mêrde û lajê ci hetê merdimanê Wekîlê AKPyî Halîl Îbrahîm Yildizî ra kişîyayîş lajê xo Ferît Şenyaşarî reyde roja 101. de nobeta edaletî rê dewam kena.

Ewro Endamê Înîsîyatîfê Mayanê Haştîye yê ke Îstanbulî ra ameyî tewrê nobeta edaletî yê keyeyê Şenyaşarî bîyî. Endamê Înîsîyatîfê Mayanê Haştîye yê Riha û Hemsereka HDPyî ya Riha Çîgdeme Karakeçîlî zî tewrê nobete bîyî.

Keyeyê Şenyaşarî pê dowîzanê 'Ma edaletî wazenê' Mayê Haştîye pêşwazî kerdî. Emîne Şenyaşar dadîyan rê qala hêriş û serebûtan kerde.