Meclîsanê Ciwanan ê HDPyî yê Îzmîrî seba Denîze Poyraz şan saete 22.00 de çalakîya rayraşîyayîşî kerde û da zanayene ke ê do hesabê qirkerdişê Denîze bipersê.

Ciwanan çalakîye de sloganê sey 'Denîze Poyraz bêmerg a', 'Şehîdî nêmirenî', 'Kurdîstan do faşîzmî ra bibo goristan' vatî. Qiseykerdoxan ard ziwan ke ciwanê kurdî do hesabê nê qirkerdişî bipersê.

Endamanê Meclîsan vat: ''Dewleta faşîste kurdan rê merg, surgun û tepiştişî ra ber rayîrêk nêmojna. Metropolanê surgunîye de her roje kurdêke qetil bena. Ma merg, surgun û tepiştişî ra nêtersenê. Nameyê ciwanan ser o ma do dewleta faşîste ra hesab bipersê. Ma kiştoxanê xo şinasnenê.''