Grûbanê çekdaran ê hukmatê  Şamî 9ê tebaxe de hêrişê dewanê Dehla û Cedîdet Begara yê Dêrazorî kerd. Qirkerdiş de cinî û domanî zî tede 11 kesî şehîd bibî û 5 kesî birîndar bibî.

Meclîsê Leşkerî yê Dêrazorî semedê qesasgirewtişê nê qirkerdişan û heme şehîdan ê sivîl û leşkeran çalakîya hîra ya qesasî kerde.

QSDyî vat: ''Rojawanê Çemê Firatî de vera hêzanê rejîmî û çeteyanê ci vera hîrê nuqtayanê cîya cîyayan çalakîyê qesasî ameyî kerdene. Netîceya nê çalakîyan de 18 endamê rejîmî merdî û xeylêk zî birîndar bîyî. Reyna di çalakîyanê suîkastî de di endamê rejîmî yê bînî ameyî kiştene. Şervananê ma wextê çalakîye de 11 çekê bi markaya  K47yî û xeylêk cepilxaneyo leşkerî fîna dest.''

Eşkerayîye de dîya zanayene ke badê çalakîyanê serkewteyan ê ke dewanê Keşma, Bûleyl û Tobî de ameyî kerdene hêzê înan weşûwar resayê baregehanê xo û ame vatene nê çalakîyî semedê hîşyarkerdişê hêzanê rejîmî û mîlîsanê ci ameyî kerdene. QSDyî şervanê ke tewrê çalakîya qesasî bîyî ê selam kerdî û vat eke hêrişê înan dewam bikerî ê do heqê xo yê xopawitişê meşrûyî bişuxulnê.