MED TUHAD-FED kampanya dano destpêkerdene

MED TUHAD-FEDo ke huqûq de serrastkerdişê înfazî yo têdûşt waşt, bi paştdayîşê partîyanê sîyasîyan, rêxistinanê komelê sivîlî û kede kampanyayêka îmza dano destpêkerdene.

Federasyonê Komeleyanê Paştdayîşê Huqûqî yê ni Keyeyanê Tepişteyan û Hukmwerdeyan (MED TUHAD-FED) derheqê gefê vîrusê Korona de ke zîndanan de resa astêka bitehluke dest pê kampanyayêka îmza keno.

Kampanyaya ke partîyê sîyasî, rêxistinê komelê sivîlî û kede zî tede 39 dezsehan û azgehan ra yena meydan, hedef kena ke mîlyonêk îmza kom bikera.

Hemserekê MED TUHAD-FEDî Mehmet Temîzyuzî pare kerd ke dinya de seba vîrusê Korona hewceyê serrastkerdişê huqûqî esto. Temîzyuzî vat ke ganî serrastkerdişê huqûqî de têdûştîye biba la ê vînenê ke cîyatîye esta. Temîzyuzî vat: ''Zîndanan de her ke şino qesawet zêdîyeno. Ma do seba serrastkerdişê têdûştî dezgehanê sivîlan, partîyanê sîyasîyan û kede reyde pêvînayîşan bikerê. Kampanya waştişê serrastkerdişê înfazê têdûştî ser o ya. Ma hedef kenê ke mîlyonêk îmza kom bikerê. Temamkerdişê formatî ra dima ma do rayaumûmîye reyde kampanya xo pare bikerê.''