Vera Îsa Nas, Mehmet Tokay û Hasan Kiliç teqayîşê Qoserî yê 2016î ra 'endamîya rêxistine' ra yenê muhakemekerdene. Roniştişê dewaya vera nînan ame kerdene. Mehmet Tokay Zîndanê Amedî ra Hasan Kiliç Zîndanê Ereglî ra bi SEGBÎSî tewrê roniştişî bîyî.

Dozgerî derheqê hîrê kesan de cezaya zîndanî waşte.

Hasan Kiliçî roniştiş de pawitişê xo nêkerd la bale ante tecrîdê vera Rayberê Şarê Kurdî Abdullah Ocalanî ser. Kiliçî vat: ''Ez wazena ke tecrîd wedarîyo. Vera tecrîdkerdişê Rayber Ocalanî ma dest pê grevê vêşanîye kerd. Ez tecrîdî şermezar kena. Ez do pawitişê xo nêkera.''

Roniştiş taloqê 14ê gulane ame kerdene.

Zîndanê Patnosî de koma diyîne 15ê kanûne de do çalakîye dewr bigêra. Tepişteyanê Patnosî pare kerd ke vîtamînê B1î nêdîyeno înan û derheqê înan de tehqîqatê dîsîplînî dîyayo destpêkerdene.

Zîndanê Wanî de zî tepişteyanê grevê vêşanîye pê hesna ke koxuşê înan vurîyenê, vîtamînê B1î nêdîyeno û vera nê kerdişan tepişteyan çalakîya protestoyî kerda.