Tepişteyê Zîndanê Riha Selamî Çîftçîyî seba Rayberê Şarê Kurdî Abdullah Ocalanî Zîndanê Îmraliyî rê 18ê kanûna 2023yî de mektubêke şawite.

La Heyetê Îdare û Çimdarîye yê Zîndanî dest na mektuba Çîftçîyî ser. Komîsyonê Wendişê Mektuban ê Zîndanî bi îdîaya 'bitehluke' ya mektube nêşawite û bire daye ke 'wa mektube bêra wedaritene.'

Naye ser o Çîftçîyî Mehkemeya Înfazî ya Riha rê îtîraz kerd.

Mehkeme îtîrazê Çîftçîyî qebul kerd û bira Heyetê Îdare û Çimdarîye yê Zîndanî red kerde. Mehkeme waşt ke wa beşê 'bitehlukeyî' mektube ra bêrê vetene û mektube bi nê hawayî bierşawîya Îmraliyî.

Mektuba Çîftçîyî ya bi kurdkî dima ke serê tay beşan ame xêzkerdene erşawîyaye Zîndanê Îmraliyî.