Qezaya Nisêbînî ya Mêrdînî de 25ê temmuze de gama ke polîsanê têgêrayîşê taybetî eşt keyeyêkî ser, teqayîş qewimîya û cinîyêke dinyaya xo bedilnaye. Badê teqayîşî  9 kesî ameyî destbendkerdene û dima bi şertê kontrolê edlîyî ameyî veradayene.

Ame îdakerdene ke cinîya ke teqayîş de dinyaya xo bedilnaye endama YJA Starî Kadare Acar bi nameyê kodî Destan a. Keyeyê Acare Cizîra Şirnêxî ra 2ê tebaxe de ame Mêrdîn û cenazaya kênaya xo teşhîs kerde. Rixnê teşhîskerdişî cenaza nêdîyaye keyeyê ci. Keyeyî semedê DNA gonî da û agêra Cizîre.