Mêrdîn de zî seba paştdayîşê Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' serkêşîya Mayanê Haştîye û merdimanê tepişteyan de Nobeta Edaletî bi eşkerayîyêke dîyaye destpêkerdene. 

Temsîlkarê TUHAY-DERî Fettahe Tekîn eşkerayîye de qisey kerd û vist vîrî ke tepiişteyê sîyasîyî 42 rojî yo vera tecrîdê serê Rayberê Şarê Kurdî grevê vêşanîye de yê.

Maya Haştîye Besna Gunay venga pêro kesan da ke wa paştî bidê Nobeta Edaletî û vat: ''Destê xo seba haştîye derg bikerê. Ganî tecrîdê vera Rayberîye wedarîyo.''

Wekîlê DEM Partî yê Mêrdînî Kamuran Tankanî bale ante waştişanê tepişteyanê grevê vêşanîye ser û vat: ''Heta ke zîndanî veng bibê ma do têkoşînê xo rê dewam bikerê.''

Eşkerayîye ra dima bi sloganan Nobeta Edaletî dest pêkerd. Çalakîkerî dima derbazê bînaya DBPyî bîyî.