Hemserekê Egîtîm Senî yê Colemêrgî Murat Balikesîrî derheqê weçînitişî de ANFyî rê qisey kerd.

Murat Balikesîrî vat: “ Sey heme şaranê Tirkîya şar û kedkarê Colemêrgî zî hetê bedilnayîşî de yê û azadîye wazenê. Şar azadîye Partîya Çep a Keske de vîneno. Eşkera yo ke Partîya Çep a Keske bi rayanê zafan Colemêrg de do sey partîya yewine ser bikewo. Çîyo muhîm oyo ke şar şiro rayanê xo bişuxulno û sindoqî bêrê pawitene. Gerek ma wayîrê sindoqan bivejîyê.

 Ma pîya bi KESK û dezgehanê komelê sîvîlî yê bînan mîyanê yê koordînasyonî de do wayîrê sindoqan bivejîyê. Ma do verê binpaykerdişan bîgêrê û raporan tepişê. Se beno wa bibo gerek şarê ma şiro sindoqan de rayanê xo bişuxulno û îradeyê xo ramojno. Mevajê pê raya mi çîyêk nêbeno, her çî pê raya to beno. 

Şar çend şino dahîna feqîr beno, nêeşkeno îdareyê xo bikero. Colemêrg de 15 serrî yo her qeyde çalakî û aktîvîteyî qedexe yê. Ma sey kedkaran bedilnayîş wazenê. Seba ke verê demokrasîyî bêro akerdene, ma gerek miheqeq rayanê xo bişuxulnê û wayîrê sindoqan bivejîyê.”