Partîya Maoîst-Komunîste MK/SB vizêr derheqê hêrişanê vera goran de eşkerayîyêke kerde û nê pare kerdî:

''Îqtîdarê AKP-MHPyî wextêkî ra nata bi hawayêkê sîstematîkî cerganê xo reyde hêrişê meyît, goranê gerîlayan keno, definkerdişê înan asteng keno, keyeyanê şehîdan rê teda keno, cenazayan remneno. Hêrişê vera goranê gerîlayan, hêrişê vera goranê êzidî-elewîyan bîyî kurmê faşîzmî. Nuşte, fotograf, nameyê serê goranê ma estarîyayî, gorî rijîyayî.

Dewa Îbarhîman a Çewlîgî de gorê embaza ma Sevda Serînyel (Mercane) hetê cerganê faşîstan ê qereqolî ra ame rijnayene û keye û merdimanê embaza ma rê gef û teda ameyî kerdene. Îqtîdaro faşîsto ke pê hîşmendîyêka kanpereste ewnîyeno cinîyan û cergê ci cinîyan rê zaf tersenê û vera înan polîtîkayanê xo yê şerê taybetî zêdêr anê ca. Gor û meyîtê embaze Mercana ke pê cuya xo bîye tersê faşîzmî û ê embazan ê bînan zî faşîzm tersnenê.

Ma bi na wesîle ê kesanê ke nê polîtîkayanê gemarinan de rolê înan esto, hîşyar kenê! Tarîxê ma tarîxê persayîşê hesabî yo. Rew yan zî erey ma do hesabê kerdişanê şima bipersê!''