Goreyê agahîyanê ke çimeyanê herêmîyan dayê cenazayê bi desan leşkeranê ke 23yê kanûne de Xakurkê û Metîna de kişîyayê, ameyî berdene bi Nêweşxaneyê Dewlete yê Colemêrgî û cenazayê merdimanê herême zî bi zorî morgî ra ameyê vetene.

Merdimêko ke şahîdê serebûtî bîyo vat: ''Selahîyetdaranê nêweşxaneyî vat 'bira walîtîye ya, cenazayanê xo tîya ra berê. Çunke cenazayê leşkeran do bêrê.' Merdimî neçare mendî ke cenazayanê xo verî ke bêrê şitene vejê. Armancê nê kerdişî no yo ke cenazayê leşkeran şarî ra wa bêrê nimitene. Coka ame qedexekerdene ke çew nêkewo morgî û morg de cenazayanê xo bişuwo. Na bire hetê Walîtîya Colemêrgî ra dîyaye. Bi rojan o Walîtîye nêverdena ke çew xo nêzdîyê morgî bikero. Xeylêk cenazayî ameyî berdene bi morgî.''