Fermandarîya Qerargehê Merkezê Pawitişê Şarî (MPŞ) talîmatê xo yê bi sernameyê ''Heme Hêzanê Pawitişê Şarî rê' de nê vatî:

''Qerarê adirbirnayîşî ke Partîya ma PKKyî çarçewaya vengdayîşê tarîxîyî yê Rayber Apoyî de girewt ke 1ê adara 2025î ra têpîya vîyartbar o, semedê heme hêzanê ma vîyartbar o. Heme fermandarîye û yewinê eleqedarî ganî goreyê qerarê ke Partîya ma girewt, têbigêrê û vatişanê ci bîyarê ca.

Bêşik vera hêrişanê ke beno ke bêrê kerdene hêzê ma do semedê xopawitişî û çarçewaya heqê pawitişê meşrûyî de cewab bidê ke no hêqê înano bingeyî yo. Eke hêrişî timûtimî bêre kerdene heqê hêzanê est o ke cewab bidê ci.

Bitaybetî no qerar pîya bi hêzanê ma yê bingeyînan ê ke Vakurê Kurdîstanî û Tirkîya de yê, semedê heme  tîmanê fedayîyan  ke wezîfedarê taybet ê û heme yewîyê otonomî û yewîyê xopawitişî yê sey YPS, MAKî ûsn. û heme awanîyan vîyartbar o û ganî her kes nê bîyaro ca. Heme awanîyê eleqedarî yê ke wayîrê qabîlîyetê otonomî yê, ganî  goreyê nê qerarî  xo esasê pawitişî de newera ca bikerê. Nê prosesê giranî de qet hêzêkê ma ganî tedbîranê xo sist mekero û binê heme şert her mercan de ganî tedbîranê pawitişî xurt bikero.

Nê prosesê neweyî yê tarîxîyî de seba ke ma xeta Rayber Apoyî de vindertiş û têkoşînêk ramojnê, ganî pêro HPG û yewîyê ke pabesteyê ci yê hîsgêr bê  û berpirsîyar têbigêrê. No wezîfeyêko bingeyî yo. Vera rewşanê provakatîfan ke beno ke bêrê kerdene, ganî tedbîr bêro girewtene û vera nê rewşan zaf baldar bêro têgêrayene.

Ma pê bawer ê ke heme hemrayî bi berpirsîyarîye nizdî nê qerarî bibê.

Nê esasî ser o ma pêro hemrayanê xo yê fermandar û şervanan selam kenê û înan rê serkewtiş wazenê.''