Munchen de karê weçînayîşî yê Partîya Çep a Keske dewam kenê. Platformê Partîya Çep a Keske yê Munchenî bi beşdarîya sîyasetmedarê kurdî Necdet Atalayî şayîyêke viraşte.

Hemserekê FED-GELî Saît Ozturkî şayîye de qisey kerd û bale ante girîngîya rayanê şarê teberê welatî ser. Ozturkî vat: ''Keye bi keyeyî ganî xebatî bêrê kerdene, kesê ke îqna nêbîyê wa bêrê îqnakerdene. Seba binvistişê AKP-MHPyî her kes dormeyê Partîya Çep a Keske de wa kom bibo.''

Atalayî girîngîya weçînayîşanê 14ê gulane vist vîrî û venga her kesî da ke raya xo bido Partîya Çep a Keske.

Partîya Çep a Almanya (Die Linke) ra Brigitte Wolf zî ard ziwan ke ê paştî danê Partîya Çep a Keske.

Şayîye de hunermendî Onur Evîn û Sehere Stran vejîyayî sehne ser.