Bajarê Munihî yê Almanya de verê zîndanê ke tepişteyo sîyasî Tahîr Koçer tede yo, hetê rêxistinanê Antî-faşîst û rêxistinanê komelê sîvîlî ra çalakîya paştdayîşî ameye kerdene.

Çalakîye de tepiştişê Tahîr Koçerî ame şermezarkerdene û şexsê Koçerî de ame waştene ke wa heme tepişteyê sîyasîyî bêrê veradayene. Çalakîye de sloganê vera tecrîdî ameyî vatene û ame vengdayene ke wa qedexeyê vera PKKyî bêro wedaritene.

Badê çalakîye ciwanan kuçeyanê Munihî de çalakîya afîşkerdişî kerde.