Fermandarê Qerargehê Merkezê Pawitişê Şarî Murat Karayilanî rojnameyê Yeni Ozgur Politika rê roportajêk dabi.

Qismê peyênî yê roportajê Karayilanî ra tayê noqtayê girîngî wina yê:

''Artêşa tirke ya îşxalkere verê ma de tengasîye ancena. Çunke gerîlayî mîyanê pawitişî de hêriş kenê. Dişmen bi her metodî çend hêrişê tunelan bikero zî nêeşkeno nînan çin bikero. Nika mîsal Herêma Şehîd Delîlî ya Rojawanê Zapî de dişmen nêzdîyê tunelan de mewzî virazeno, bi çekanê giranan keno je hewayî ra hêriş bikero. La taktîkê înan do ser nêkewê. 

Wezîrê Pawitişî yê Tirkîya Yaşar Guler wesfa komanê înan ê herêketînan dano la nê komî zî Herêmanê Pawitişî yê Medya de nêeşkenê netîce bigêrê. Xora ê Garê de bin kewtbî, ma darbêka girane dabî nînan. Dişmen çxeta Sergelê gêno PDK zî paştî dano ci ke dormeyê tunelan bigêrê. La nê xîretî pûç ê.

Dişmen PDKyî reyde beno ke vera warê Goşînê hêriş bikero. Dişmen keno ke Vakur û Başûr de tay waran bigêro binê ablûqa û têkilîyanê gerîlayan bibirno. La no planê ci zehmet o.

Ma emser Vakurê Kurdîstanî de şehîdê girîngî dayî. Her kes çend serran ra nata vano ke Vakurê Kurdîstanî de  gerîlayî qedîyayê. O çax çira hendê operasyonî yenê kerdene. Ma gerîlatîya Vakurê Kurdîstanî de çar serran ra nata çarçewa 'Projeyê Newe ra Awankerdişî' de vurîyayîş û newebîyayîşî armanc kenê. Hinî gerîlatîya verêne çin a. Nika erkê gerîlayanê Vakurî çalakîkerdiş ney xonewekerdiş o. 

Serranê peyênan de teknolojî aver şîya. Her cayê şaristanan de kamerayî, ajanî, teknîkê bînî est ê. Coka ma hêzanê xo wina rehet nêşawenê şaristanan ke çalakîyan bikerê. Ma şehadetê embazanê xo nêwazenê. Ma Vakurê Kurdîstanî de sey gerîlayan nêzdîbîyayîşanê stratejîkan virazenê û bi nînan armanc kenê ke netîce bigêrê. 

Hinî felsefeya şerî de metodê klasîkî nêmendê. Raşta zî zanist û teknolojî zaf  tesîrê şeran kenê. Hetê bînî ra seba ma şertê serkewtişî yo verên no yo ke ganî xeta Rayberîye rind bêra famkerdene, bingeyê Şerê Şarî yê Şorişgêrî de şer bêro kerdene  û komel şerî rê bêro amadekerdene. 

Seke Rayber Apoyî tim vatêne şerkerdiş tim muhtacê xonewekerdişî yo. Ganî taktîk û metodî goreyê şertan bivurîyê û xo aver berê. Heta ke milîtanî xo felsefeya Rayberîye de aver nêberê, newe nêbê do ser nêkewê. Ma zî naye ser o xebitîyenê.''