Mutalaya dewaya qefilnayê HDPyî ya ke hetê Serdozgerê Mehkemeya Berze Bekir Şahînî ra ameye akerdene, partîye rê ameye şawitene.

29ê teşrîna peyêne de hetê Şahînî ra Mehkemeya Qanûnê Bingeyî rê pawitişê derheqê esasî de amebi teqdîmkerdene. Mutalaya dewa ewro resa Merkezê Pêroyî yê HDPyî. Dîyayîşo ke hetê Şahînî ra ame amadekerdene 41 pelan ra yeno raameyene. Eke HDP zereyê mengêke de derheqê mutala de wext mewazo do pawitişê xo teqdîm bikero. Dima do tarîxêk bêro bewlîkerdene û Şahîn eşkerayîya fekkî  û HDP zî pawitişo fekkî bikero. Nê merhaleyan de waştişê wextî do Mehkemeya Qanûnê Bingeyî biercno.

Badê nê prosesî raportorê Mehkemeya Qanûnê Bingeyî do derheqê dewa de belge û zanayîşan arê bido û derheqê esasî de raporê xo amade biero. Bado ke rapor endamanê Mehkemeya Berze rê bêro vilakerdene Serek Zuhtu Arslan do kombîyayîşêk bikero û endamî bêrê têhet û  dewaya qefilnayîşî bigêrê dest.15 kesan ra heyetêkê Qanûnê Bingeyî do qerar bigêro. Hetê nê heyetî ra qerarê qefilnayîşî ya zî birnayîşê hetkarîya dewlete yê semedê partîye eşkeno bêro girewtene. Pê 10 reyanê 15 endaman qerar do bêro girewtene.  Qerar do dima ra partîya ke qala ci yena kerdene rê bêro şawitene û Rojnameyê Fermî de bêro weşanayene.  Eke heyetê mehkeme vajo rîyê partîyîjê ke qedexeyê sîysetî înan rê yeno waştene ra partîye ameye qefilnayene nê kesî do 5 serrî meeşkê bibê ronayox, edam û îdarekarê yewna partîye.