Namzedê Partîya Çep a Keske yê Amedî Mehmet Kamaçî derheqê weçînayîşan de ANFyî rê qisey kerd. Mehmet Kamaçî dîyar kerd ke weçînayîşê 14ê gulane 'tarîxî yê' û venga pêro kesan da ke wa şorê sindoqan ser.

Kamaçî vat: ''Seba serkewtişê şarê kurdî nê weçînayîşî tarîxî yê. Na hemleyêka newî ya. Prosesêko newe yo. La teyna bi raydayîşî her çi çareser nêbeno. Ganî ma wayîrê raya xo û îradeyê xo vejîyê.

Ez venga her kesî dana ke roja weçînayîşî de şoro sindoqan ser û wayîrê îradeyê xo vejîyo. Ma zanenê ke şarê ma do weçînayîşan de îradeyêkê xurtî bimojno. La heman wextî de ganî ma sindoqanê raydayîşî zî bipawê.''