Pandemîya Covid-19î reyde şîdetê vera cinîyanê ke keye de manenê zêdîya. Sekreterê Pêroyî yê Neteweyanê Yewbîyayeyan seba ke bale biancê na rewşe ser hem ni nuştekî hem zî bi dîmenan bi ziwananê erebkî, îspanyolkî, rûskî, fransizkî, çînkî mesajêk weşana.

Antonio Guterresî vist vîrî ke seba ke vera vîrusê Korona têkoşînêko holêr bêro kerdene verê cû zî asta globale de vengdayîşê adirbirnayîşî kerdbi. Guterresî na reye zî seba cinîyan veng da û vat: ''Heyf ke zaf cinîyî û domanê kênayî benê hedefê şîdetî. Cinîyî keyeyê xo de yê. Coka ez ewro seba haştîya dinya, keyeyî vengdayîşêkê neweyî kena. Hewteyanê peyênan de hetêkî ra tedaya ekonomîke û komelkîye zêdîyaye, hetêkê bînî ra zî ters qewimîya, şîdetê zereyê keyeyî zî zêdîya.''

Sekreterê Pêroyî yê Neteweyanê Yewbîyayeyan venga hukmatanê pêroyînan da ke vera şîdetî tedbîran bigêre û çarçewa plananê çalakîya neteweyîye yê vera vîrusê Covid-19î hetkarîya mexdûran bikerê.