Bi hezaran kesî bi slogana “Ma do qetîyen bi ser bikewê, tecrîdî bişiknê” û bi slogananê sey “Biciwîyo xoverdayîşê zîndanan” û “Leyla Guvene anorê ma ya” Meydanê Bakirkoyî de ameyî têhet.
Şayîya ke xeylî dezgeyê cimatê sivîlî, partîyê sîyasîyî û rêxistinê cinîyan bi renganê xo tewrê ci bîyî, şexsê şehîdanê çalakîyanê fedaîyan ê peyênan Ûgur Şakar, Zulkuf Gezen û Ayten Beçete de semedê heme şehîdan rêz ame girwetene. Adirê Newroza Stenbolî hetê merdimanê Xoverdayoxanê Zîndanan ê ke grevê vêşanîye de ame tafînayene. Mayanê aşitîye bi slogananê xo adirê Newroze kerd gir. Şayî de şîîr a ke Têgêrayîşê Cinîyan ê Azadan semedê Leyla Guvene ya ke 137 rojî yo grevê vêşanîye de nuşta, ameye wendene Guvene bi slogan û tîlîlîyan ameye silamkerdene. Şayî de do hemsereka Pêroyî ya HDP’yî Pervîn Buldane qisey bikero. Şayîya Newroze bi deyîran û govendan dewam kena.