Nobeta Azadîye  ya ke semedê azadîya fîzîkîye ya Rayberê Şarê Kurdî Abdullah Ocalanî  25ê hezîrana 2012yî de hetê Înîsîyatîfê Abdullah Ocalanî rê Azadîye ra bajarê Strasbourgî yê Fransa de dîyaye destpêkerdene hewteyê 581. de ya.

Çalakîya ke nuqtaya hempare ya ke Konseya Ewropa (KE) Merkezê Vergirewtişê Îşkenceyî (CPT) û Mehkemeya Heqanê Merdiman a Ewropa (MHME) tede yê de yena kerdene, no hewte hetê îdarekaranê Fedarasyonê Elewîyan ê  Demokratîkan (FEDA) ra ameye dewrgirewtene.

Grûbe de Aytaç Ozveren, Ali Samer û Hasret Ozveren ca genê. Aytaç Ozverenî ke bi  nameyê grûbe qisey kerd nê vatî: ''29 mengî yo ma qet xeberêke Rayberîya xo ra nêgenê. Çîyo winayên nîno qebulkerdene. Çîyê ke no îqtîdaro faşîst vera Rayberîye û ma keno, nîno qebulkerdene.  Ma do vera nê caardişê barbarî xover bidê. Ma do wayîrê Rayberîye, têkoşîn û şarê xo bivejîyê.  Ma veng danê Konseya Ewropa û CPTyî ke wa wezîfeyê xo bîyarê ca. Wa hîni kaykerdiş hîrê meymunan  caverdê. Ê nêeşkenê 50 mîlyon şarê kurdî nêvînayîşî ra bêrê. Bedelê ci çi beno wa bibo ma hazirê ke semedê Rayberîya xo bidê.''