Nobeta Azadîye hetê keyeyêkî ra ameye dewrgirewtene
Nobeta Azadîye ya ke semedê azadîya fîzîkîye ya Raybarê Şarê Kurdî Abdullah Ocalanî bajarê Strasbourgî de yena domnayene, no hewte hetê keyeyêkî ra ameye dewrgirewtene.
Nobeta Azadîye ya ke semedê azadîya fîzîkîye ya Rayberê Şarê Kurdî Abdullah Ocalanî 25ê hezîrana 2012yî de hetê Înîsîyatîfê Abdullah Ocalanî rê Azadîye ra bajarê Strasbourgî yê Fransa de dîyaye destpêkerdene, dewam kena.
Hewteyê 582. yê çalakîye raştê serrgêra 39. ya Hemleya 15ê Tabexe ame. Hewteyo ravîyarte îdarekaranê Federasyonê Elewîyan ê Demokratîkan (FEDA) nobete tepişte. No hewte zî keyeyêko bajarê Zurîhî yê Swîsre ra ame nobete dewr girewte.
Keyeyî warê çalakîye de eşkerayîye daye û keyfweşîya xo ard ziwan ke nobeta înan raşta na roja bimana ameya. Eşkerayîye de semedê wayîrvejîyayîşê Rayberê Şarê Kurdî Abdullah Ocalanî ame vengdayene.
