Nobeta Azadîye  ya ke semedê azadîya fîzîkîye ya Rayberê Şarê Kurdî Abdullah Ocalanî  25ê hezîrana 2012yî de hetê Înîsîyatîfê Abdullah Ocalanî rê Azadîye ra bajarê Strasbourgî yê Fransa de dîyaye destpêkerdene, dewam kena.

Çalakîya ke nuqtaya hempare de ya ke dezgehê Ewropa de tede yê yena kerdene no hewte no hewtê koma Parisî ra ameye dewrgirewtene. Koma de Fazil Kobanê, Mustafa Girişkin û Mehmet  Acar ca genê.

Fazil Kobanê ke bi nameyê koma qisey kerd,vist vîrî ke hema hema hîrê serrî yo Abdullah Ocalanî ra xebera nîna girewtene û vat: ''Ma verê CPTyî de yê. CPT vano înan Rayberîye reyde pêvînayîş kerdo la qet raporêk eşkera nêkeno, zanayîş nêdano. Ganî şarê kurdî vera nê vengê xo berz bikero. Ma vejîyêne waran vanê 'Bê Rayberîye cuye nêbena' la ganî na qale de nêmano. Bitaybetî û cinî û ciwanî ganî ma sey komelî pratîkê ci ramojnê.''